សមត្ថកិច្ចខណ្ឌជ្រោយចង្វារ ឃាត់ខ្លួនមនុស្ស៤នាក់ ដកហូតថ្នាំញៀន២កញ្ចប់ និងម៉ូតូ២គ្រឿង

ភ្នំពេញ ៖ ជនសង្ស័យ ៤នាក់ ត្រូវបានកម្លាំងនគរបាលព្រហ្មទណ្ឌខណ្ឌជ្រោយចង្វារ ធ្វើការឃាត់ខ្លួនជាបន្តបន្ទាប់ ព្រមទាំងដកហូតនៅថ្នាំញៀន ២កញ្ចប់ និងម៉ូតូ ២គ្រឿង កាលពីវេលាម៉ោង ៨និង០០នាទីយប់ ថ្ងៃទី១០ ខែសីហា ឆ្នាំ២០១៦ ដែលស្ថិតនៅតាមបណ្តោយផ្លូវជាតិលេខ៦ ភូមិគៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។

 

តាមប្រភពពីសមត្ថកិច្ចបានឲ្យដឹងថា នៅយប់ថ្ងៃទី១០ ខែសីហា ឆ្នាំ២០១៦ កម្លាំងសមត្ថកិច្ចយើងបានធ្វើការត្រួតពិនិត្យច្បាប់ចរាចរផ្លូវគោក និងឆែកឆេរអាវុធជាតិផ្ទុះ  ដោយមានការសង្ស័យ ទើបកម្លាំងសមត្ថកិច្ចយើងធ្វើការឃាត់ខ្លួនជនសង្ស័យទាំងនោះជាបន្តបន្ទាប់ ដើម្បីត្រួតពិនិត្យ និងឆែកឆេររកឃើញនៅម្សៅក្រាមពណ៌(ស)ថ្លា ចំនួន ២កញ្ចប់ ជាប្រភេទ ម៉ាទឹកកក និងបានដកហូតនៅម៉ូត ២គ្រឿង ហើយកម្លាំងសមត្ថកិច្ចយើងបានឃាត់ខ្លួនយកមកអធិការដ្ឋាននគរបាលខណ្ឌ ដើម្បីធ្វើការសាកសួរ ។

ជនសង្ស័យទាំង ៤នាក់ដែលកម្លាំងនគរបាលខណ្ឌជ្រោយចង្វារឃាត់នោះ ទី១ មានឈ្មោះ ម៉ូង មឿន ភេទប្រុស អាយុ ២៤ឆ្នាំ មុខរបរ កម្មករសំណង់, ទី២ មានឈ្មោះ ទិត្យ ឡុន ភេទប្រុស អាយុ ៣០ឆ្នាំ មុខរបរ កម្មករសំណង់ បច្ចុប្បន្នអ្នកទាំង ២នាក់ ស្នាក់នៅក្នុងការដ្ឋានសំណង់ តាមបណ្តោយផ្លូវជាតិលេខ៦ ភូមិគៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ, ទី៣ មានឈ្មោះ ហើង នី ភេទប្រុស អាយុ ២៦ឆ្នាំ មុខរបរ បុគ្គលិកក្រុមហ៊ុនគូបូតា ស្នាក់នៅភូមិគៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ និងទី៤ មានឈ្មោះ សាន់ វិជ្ជា ភេទប្រុស អាយុ ២៥ឆ្នាំ មុខរបរ មិនពិតប្រាកដ ស្នាក់នៅសង្កាត់ទឹកថ្លា ខណ្ឌសែនសុខ ព្រមទាំងបានដកហូតនៅម្សៅក្រាមពណ៌(ស)ថ្លា ចំនួន ២កញ្ចប់ និងម៉ូតូ ២គ្រឿង ទី១ម៉ាក Smash Revo សេ១១០ ពណ៌ខ្មៅ ពាក់ស្លាកលេខ ភ្នំពេញ 1X-7752 និងទី២ម៉ាក ស៊ុយសូគីនិត ពណ៌ខ្មៅ ពាក់ស្លាកលេខ ភ្នំពេញ 1BU-6377 ។

បច្ចុប្បន្នជនសង្ស័យទាំង ៤នាក់ រួចទាំងវត្ថុតាង ត្រូវបានកម្លាំងសមត្ថកិច្ចឃុំខ្លួនជាបណ្តោះអាសន្ននៅអធិការដ្ឋាននគរបាលខណ្ឌជ្រោយចង្វារ ដើម្បីកសាងសំណុំរឿង បញ្ជូនទៅកាន់តុលាការ ចាត់ការបន្តតាមនិតិវិធីច្បាប់ ៕ដោយ៖ ស៊ុនតិច

 

3 063dcac4-af1c-4b5c-a723-d38770f3d58f fb758ed4-e1d0-4d83-983d-8b0f27dce217

អត្ថបទដែលជាប់ទាក់ទង

This website uses cookies to improve your experience. We'll assume you're ok with this, but you can opt-out if you wish. Accept Read More