បណ្តេញចេញ ជនជាតិចិន៣នាក់ អោយផុតពីកម្ពុជា ពាក់ព័ន្ធ ច្រើនបទល្មើស!

ខេត្តព្រះសីហនុ៖ ប៉ុស្តិ៍នគរបាលច្រកទ្វារអាកាសយានដ្ឋានខេត្តព្រះសីហនុ នាថ្ងៃទី ២៧ ខែវិច្ឆិកា ឆ្នាំ២០២០ វេលាម៉ោង ១៩និង០០នាទី បានសហការជាមួយ លោកវរសេនីយ៍ទោ លី ណារឿន នាយរងការិយាល័យ ស្នាក់ការត្រៀមបណ្តេញចេញខេត្តព្រះសីហនុ នៃនាយកដ្ឋានស៊ើបអង្កេត និងអនុវត្តនីតិវិធី ធ្វើការបណ្តេញចេញជនជាតិចិនចំនួន ០៣នាក់ តាមជើងយន្តហោះចេញលេខ LQ908 (KOS-CAN) ឲ្យផុតពីព្រះរាជាណាចក្រកម្ពុជា។

នគរបាលប៉ុស្តិ៍បានឲ្យដឹងថា ជនជាតិចិនទាំង ៣នាក់នេះ

ទី១. ឈ្មោះ SHANG MUNAN ភេទស្រី អាយុ ៣៣ឆ្នាំ ពាក់ព័ន្ធនឹងបទល្មើសបម្រើសេវាផ្លូវភេទ។

ទី២. ឈ្មោះ LIU YANG ភេទស្រី អាយុ ៣០ឆ្នាំ ពាក់ព័ន្ធនឹងបទល្មើសបម្រើសេវាផ្លូវភេទ ដែលស្នាក់ការត្រៀមបណ្តេញចេញខេត្តព្រះសីហនុ ទទួលពីស្នងការដ្ឋាននគរបាលខេត្តព្រះសីហនុ កាលពីថ្ងៃទី០៤ ខែតុលា ឆ្នាំ២០២០ ដោយហាមចូលប្រទេសរយៈពេល ៣ឆ្នាំ។

ទី៣. ឈ្មោះ RONG XIAOMING ភេទប្រុស អាយុ ២៩ឆ្នាំ ពាក់ព័ន្ធនឹងបទល្មើសអំពើលួច ដែលស្នាក់ការត្រៀមបណ្តេញចេញខេត្តព្រះសីហនុ ទទួលពីពន្ធនាគារខេត្តព្រះសីហនុ កាលពីថ្ងៃទី២៣ ខែតុលា ឆ្នាំ២០២០ ដោយហាមចូលប្រទេសរយៈពេល ៥ឆ្នាំ៕

 

អត្ថបទដែលជាប់ទាក់ទង

This website uses cookies to improve your experience. We'll assume you're ok with this, but you can opt-out if you wish. Accept Read More