ពិតទេ? ប្រធានមន្ទីរការងារ និងបណ្តុះបណ្តាលវិជ្ជាជីវៈខេត្តមណ្ឌលគិរី រងការចោទថា គំរាមសម្លាប់មនុស្ស ក្នុងជម្លោះដីធ្លី

ខេត្តមណ្ឌលគិរី ៖ មន្ត្រី នៃមន្ទីរការងារ និងបណ្តុះបណ្តាលវិជ្ជាជីវៈ ខេត្តមណ្ឌលគិរី ម្នាក់ រងការចោទប្រកាន់ថា គំរាមសម្លាប់គេ ក្នុងជម្លោះដីធ្លី ដែលមានទីតាំងក្នុងភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី។

ប្រភពបញ្ជាក់ប្រាប់ថា កាលពីថ្មីៗ នេះ លោក ណយ ចន្ទ័តារា ប្រធានមន្ទីរការងារ និងបណ្តុះបណ្តាលវិជ្ជាជីវៈខេត្តមណ្ឌលគិរី បានយកប៊ីដុងសាំងបំរុងចាក់ដុតគ្រឿងចក្រ និងមនុស្ស។ ហើយអ្នកបើកគ្រឿងចក្រ ឈ្មោះ សាន្ត ប្រុស បានដាក់ពាក្យបណ្តឹងទៅ សាលាដំបូង និង អយ្យការអមសាលាដំបូងខេត្ត ខេត្តមណ្ឌលគិរី កាលពីថ្ងៃទី១៩ ខែវិច្ឆិកា ឆ្នាំ២២០២០ កន្លងទៅ។

ជុំវិញករណីខាងលើ លោក សាន់ ប្រុស បានបញ្ជាក់ប្រាប់ថា ខណៈដែលខ្លួនកំពុងបញ្ជាគ្រឿងចក្រ កាយព្រំដីអោយលោកស្រី សៀវ ចន្ធូ ស្ថិតនៅក្នុងភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ក៍ស្រាប់តែ លោក ណយ ចន្ទ័តារា បានស្រែកជេរប្រមាថ និងដុតគ្រឿងចក្រចោល។

លោក សាន់ ប្រុស បញ្ជាក់បន្ថែមទៀតថា បានប្តឹងទៅតាមច្បាប់ទម្លាប់ ដើម្បីទាមទាររកយុត្តិធម៌ ប្រទេសជាតិមានច្បាប់ មិនគួរណាធ្វើតាមទំនើងចិត្តបែបនេះទេ លោកគ្រាន់តែជាកម្មករស៊ីឈ្នួលគេតែប៉ុណ្ណោះ យ៉ាងហោចណាស់ លោក ណយ ចន្ទ័តារា សួរនាំខ្លះ មិនគួរប្រព្រឹត្តិអំពើបែបនោះឡើយ។

ប្រភពពី លោក សារុន ដារ៉ារិទ្ធិ កាន់ការងារអោយ លោកស្រី សៀវ ចន្ធូ បញ្ជាក់ប្រាប់ថា លោកស្រី សៀវ ចន្ធូ បានទិញដីនៅទីតាំងចំណុចភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី តាំងពីថ្ងៃទី២៨ ខែធ្នូ ឆ្នាំ២០០៥ មកម្លេះ ដោយមានអាជ្ញាធរ ភូមិ ឃុំ ស្រុក រហូតដល់ខេត្ត ស៊ីញ៉េ ចុះហត្ថលេខា បោះត្រា ទៅលើឯកសារដីធ្លីខាងលើនេះ។

ជុំវិញករណីខាងលើ អ្នកសារព័ត៌មាន បានព្យាយាមទំនាក់ទំនង លោក ណយ ចន្ទ័តារា ប្រធានមន្ទីរការងារ និងបណ្តុះបណ្តាលវិជ្ជាជីវៈ ខេត្តមណ្ឌលគិរី ជាច្រើនដង តែលោកមិនលើកទូរស័ព្ទឡើយ។

ដោយឡែក មន្ត្រី នៃសាលាដំបូង និង អយ្យការអមសាលាដំបូងខេត្ត ខេត្តមណ្ឌលគិរី បញ្ជាក់ថា បញ្ហាទំនាស់ដីធ្លី ឈានដល់ប្រើអំពើហិង្សានេះ តុលាការ បាននឹងកំពុងដំណើរការ ចាត់ការរឿងក្តីនេះ តាមច្បាប់ជាធរមាន។

ជុំវិវញករណីខាលើ អង្គភាពយើងនឹងផ្សាយលម្អិតបន្តបន្ទាប់ទៀត ប្រសិនបើ មានការបកស្រាយបំភ្លឺពីសាម៉ីភាគីពាក់ព័ន្ធ៕

អត្ថបទដែលជាប់ទាក់ទង

This website uses cookies to improve your experience. We'll assume you're ok with this, but you can opt-out if you wish. Accept Read More