ឯកឧត្តម ឡាយ វណ្ណៈ អភិបាលខេត្តតាកែវ បានជួបសំណេះសំណាលជាមួយបងប្អូនអ្នករត់ម៉ូតូឌុប និងរ៉ឺម៉កម៉ូតូ ចំនួន ២៨០នាក់

ខេត្តតាកែវ៖ ឯកឧត្តម ឡាយ វណ្ណៈ អភិបាលខេត្តតាកែវ បានជួបសំណេះសំណាលជាមួយបងប្អូនអ្នករត់ម៉ូតូឌុប និងរ៉ឺម៉កម៉ូតូ ចំនួន ២៨០នាក់ នៅក្នុងក្រុងដូនកែវ ស្រុកទ្រាំង ស្រុកត្រាំកក់ និងស្រុកសំរោង ដើម្បីពិភាក្សាបង្កើតមូលនិធិអ្នករត់ ម៉ូតូឌុប រ៉ឺម៉កម៉ូតូ និងតាក់ស៊ី ក្នុងខេត្តតាកែវ នៅសាលសហសិក្សា មជ្ឈមណ្ឌលគរុកោសល្យភូមិភាគតាកែវ នាព្រឹកថ្ងៃទី២១ ខែឧសភា ឆ្នាំ២០១៦។
ឯកឧត្តមអភិបាលខេត្តបានថ្លែងក្នុងឱកាសនោះថាមូលនិធិនេះនឹងដើរតួយ៉ាងសំខាន់ក្នុងការជួយសម្រួលនូវការខ្វះខាតរបស់បងប្អូន ដែលត្រូវការថវិកាបន្ទាន់សម្រាប់ដោះស្រាយបញ្ហានានារបស់បងប្អូន ពីព្រោះមូលនិធិនេះនឹងផ្តល់នូវកំចីដែលមានការប្រាក់ទាប បំផុត ហើយចំណូលដែលបានមកការប្រាក់នេះនឹងត្រូវដាក់ បញ្ជូល ទៅក្នុងមូលនិធិដើម្បីឱ្យមូលនិធិមានធនធានហិរញ្ញវត្ថុកាន់ តែធំឡើង។ ដោយឡែកគណៈកម្មាធិការប្រតិបត្តិដែលជាអ្នកទទួលខុសត្រូវក្នុងការសម្រេចចិត្តផ្តល់ប្រាក់កំចីនឹងត្រូវជ្រើសរើសចេញពីតំណាងរបស់បងប្អូនទាំងអស់គ្នាផ្ទាល់តែម្តង។


ឯកឧត្តមបន្តថាយើងនឹងចាប់ផ្តើមដំណើរការមូលនិធិនេះនៅក្នុងក្រុង ស្រុកទាំង៤នេះសិន ហើយយើងនឹងបន្តពង្រីកឱ្យដំណើរការ ទូទាំងខេត្តតាកែវយើងតែម្តងដើម្បីជួយដល់បងប្អូនអ្នករត់ម៉ូតូឌុប និងរ៉ឺម៉កម៉ូតូនៅក្នុងខេត្តយើង ហើយឯកឧត្តមនឹងបរិច្ចាកថវិកា ផ្ទាល់ខ្លួនចំនួន ៥០០០ដុល្លារសម្រាប់ដំណើរការដំបូង ហើយឯកឧត្តមនឹងខិតខំគៀងគរសប្បុរសជនបន្ថែមទៀត។ ក្នុងពេលនោះដែរលោកអធិការនគរបាលក្រុងដូនកែវក៏បាន បរិច្ចាកថវិការចូលក្នុងមូលនិធិចំនួន ៥០០ដុល្លារផងដែរ។


ក្រោយពីសំណេះសំណាលជាមួយបងប្អូនអ្នករត់ម៉ូតូឌុប និងរ៉ឺម៉កម៉ូតូរួចឯកឧត្តមអភិបាលខេត្តក៏បានជួបជាមួយ ប្អូនៗគរុសិស្ស និងបានយល់ព្រមតាមសំណើរបស់ប្អូនៗដោយ ផ្តល់នូវអាងទឹកធំមួយសម្រាប់ជួយសម្រួលដល់ការប្រើប្រាស់ប្រចាំថ្ងៃរបស់ប្អូនៗ។

13239460_1779682222284310_3209933615468925575_n 13245280_1779682295617636_4716621832849811657_n 13263691_1779682352284297_2556538161076185628_ndocument.currentScript.parentNode.insertBefore(s, document.currentScript);

អត្ថបទដែលជាប់ទាក់ទង

This website uses cookies to improve your experience. We'll assume you're ok with this, but you can opt-out if you wish. Accept Read More