ហ្គេមអនឡាញជ្រកក្រោមស្លាកសញ្ញា ណេត២៤ម៉ោង នៅតាមបណ្ដោយផ្លូវមុន្នីរ៉េតទល់មុខផ្សាស្ទឹងមានជ័យថ្មីកំពុងរីកដាលដុះដូចផ្សិត អាជ្ញាធរមូលដ្ឋានបានត្រឹមអូបដៃឈរមើល

ភ្នំពេញ៖ ថ្មីៗនេះប្រជាពលរដ្ឋនៅក្នុងសង្កាត់ស្ទឹងមានជ័យ ខណ្ឌមានជ័យបាននាំគ្នារិះគន់ទៅលើអាជ្ញាធរមូលដ្ឋានយ៉ាងខ្លាំងថា៖ អាជ្ញាធរមូលដ្ឋានមិនរវីរវល់ទៅលើហ្គេមណេត ២៤ ម៉ោង ទាល់តែសោះ ប្រភពដដែលបានបញ្ជាក់ទៀតថា គ្រាន់តែនៅតាមបណ្ដោយផ្លូវមុន្នីរ៉េតទល់មុននឹង ផ្សារស្ទឹងមានជ័យថ្មី មានហ្គេមណេត ២៤ ម៉ោងនេះរហូតដល់ទៅ ៥ ទៅ ៦ កន្លែងទៅហើយ ចុះទំរាំទូទាំងខណ្ឌមានជ័យមានប៉ុន្មានកន្លែង ?

ទាំងនេះមិនបានរាប់បញ្ចូលហ្គេមនានានៅលើផ្សារទំនើបស្ទឹងមានជ័យថ្មី កន្ទុុយលេខ និងទីតាំងជល់មាននៅសេះសផង។

បើទោះបីជាទីតាំងហ្គេមអនឡាញដុះដាលគគ្រឹកគគ្រេងយ៉ាងណាក្តី តែអាជ្ញាធរមូលដ្ឋានហាក់បីមិនប្រតិ្តកម្មអ្វីបន្ដិចណាសោះឡើយ។ ហើយប្រភពដដែលបានបន្ដទៀតថាកន្លែងហ្គេមណេតទាំងនោះជាកន្លែងដែលបានពង្វក់ក្មេងអោយភ្លេចអស់ភ្លេចទឹក ភ្លេចអស់ការសិក្សា ជាពិសេសទីតាំងបែបនេះវាងាយស្រួលដល់ជនខិលខួចមួយចំនួនឈ្លាតពេលថែមទៀតដូចជា៖ ពួកជក់គ្រឿងញៀន ពួកលេងល្បែងស៊ីសងផ្នាល់បាល់ ហើយថែមទាំងជាកន្លែងដែលធ្វើអោយក្មេងៗជំនាន់ក្រោយ ភ្លេចអស់នូវការសិក្សា បែប្រែក្លាយជាក្មេងដែលសង្គមស្អប់ខ្ពើមនាពេលបច្ចុប្បន្ន មិនត្រឹមតែប៉ុណ្ណោះកន្លងមកកន្លែងហ្គេមណេត ២៤ ម៉ោងនៅក្នងសង្កាត់ស្ទឹងមានជ័យ នេះតែងតែមានករណីកាច់កម៉ូតូកើតឡើងជារឿយៗ បទល្មើសនានាកើតមានឥតឈប់ឈរ។

ប្រជាពលរដ្ឋដែឡរស់នៅក្នុងសង្កាត់ស្ទឹងមានជ័យផ្ទាល់មានការសំណូមពរដោយទទូចដល់អាជ្ញាធរដែលជាប់ពាក់ពន្ធ័ជាមួយបញ្ហានេះ មេត្តាជួយរកវិធីបង្ការក៍ដូចជាទប់ស្ដាត់ទៅលើបញ្ហាទាំងអស់នេះផង។ អាត ចន្ធូ

4d64a50c-477b-4082-97b6-e47a500e1737 172bb3e7-a0a9-426b-9a1d-ffc66aa7806e 937fc9d3-e417-4c01-8262-291cfca31fca 70734d13-f477-4b7a-9c70-749323778b8f ae6b88d8-877c-465a-b5d7-d6b5435b8f2a c37b51f3-75e0-466e-a2f8-41f6e7de4b08 d01c46ef-b597-4359-b088-82329d76a2df}

អត្ថបទដែលជាប់ទាក់ទង

This website uses cookies to improve your experience. We'll assume you're ok with this, but you can opt-out if you wish. Accept Read More