Leng Navatra – Sidebar Out Left
Leng Navatra – Banner Out Right

ឯកឧត្តម ឃួង ស្រេង អញ្ជើញជួបសួរសុខទុក្ខបងប្អូនប្រជាពលរដ្ឋ សហគមន៍ស្ទឹងមានជ័យចំនួន ១៦៦ គ្រួសារ

ភ្នំពេញ៖ ការជឿទុកចិត្តរបស់បងប្អូនប្រជាពលរដ្ឋចំពោះអាជ្ញាធរ គឺជាចំណុចគន្លឹះនៃការដោះស្រាយបញ្ហាទាំង ឡាយក្នុងមូលដ្ឋាន ដោយសន្តិវិធី និងទទួលបានលទ្ធផលល្អប្រសើរ។

ថ្ងៃនេះ ឯកឧត្តម ឃួង ស្រេង អភិបាលរាជធានីភ្នំពេញ បានអញ្ជើញជួបសួរសុខទុក្ខបងប្អូនប្រជាពលរដ្ឋ សហគមន៍ស្ទឹងមានជ័យចំនួន ១៦៦ គ្រួសារ ដែលបានចូលរួមសហការជាមួយរដ្ឋបាលរាជធានីភ្នំពេញ ក្នុងការរៀបចំប្រឡាយស្ទឹងមានជ័យឱ្យមានរបៀបរៀបរយឡើងវិញ។

ឯកឧត្តមអភិបាលក៏បាននាំយកនូវអំណោយជាគ្រឿងឧបភោគបរិភោគមួយចំនួន របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងសម្ដេចកិត្តិព្រឹទ្ធបណ្ឌិត ផ្តល់ជូនបងប្អូនទាំង ១៦៦ គ្រួសារផងដែរ។

ឯកឧត្តមអភិបាលបានអំពាវនាវដល់បងប្អូនប្រជាពលរដ្ឋទាំងអស់ឱ្យជឿជាក់ និងចូលរួមជាមួយអាជ្ញាធរ ដើម្បីអភិវឌ្ឍរាជធានីរបស់យើង មានសណ្ដាប់ធ្នាប់រៀបរយល្អ បរិស្ថានស្អាត និងប្រជាពលរដ្ឋរស់នៅសុខសាន្ត៕

អត្ថបទដែលជាប់ទាក់ទង

This website uses cookies to improve your experience. We'll assume you're ok with this, but you can opt-out if you wish. Accept Read More