ព្រឹតិ្តការណ៍ថ្មីៗ

ភ្លើងឆេះផ្ទះ ៥ខ្នងខ្ទេចទៀតហើយ នៅខណ្ឌសែនសុខ! 

6 ខែ មុន 136 tnn_admin

ភ្នំពេញ ៖ លំនៅដ្ឋានបងប្អូនប្រជាពលរដ្ឋចំនួន៥ខ្នង ត្រូវអគ្គិភ័យឆាបឆេះ ក្នុងនោះមាន៣ខ្នង ត្រូវអគ្គិភ័យ ឆាប់ឆេះទាំងស្រុង មានសម្ភារៈជាច្រើនរងខាតបង់ បង្កឲ្យភ្ញាក់ផ្អើលកាលពីវេលាម៉ោង៤ និង៣០នាទី រសៀល ថ្ងៃទី០១ ខែកុម្ភៈ ឆ្នាំ២០២០ នៅក្នុងភូមិច្រេស សង្កាត់គោកឃ្លាង ខណ្ឌសែនសុខ រថយន្តពន្លត់អគ្គិភ័យច្រើនគ្រឿងចេញទៅអន្តរាគមន៍ ។

តាមប្រភពនៅកន្លែង ហេតុការណ៍គ្រោះអគ្គិភ័យខាងលើ មិនទាន់ដឹងថាផ្តើមចេញពីអ្វីនៅឡើយទេ គ្រាន់តែដាក់កាសង្ស័យមកពីទុស្សេចរន្តភ្លើង ស្រាប់តែផ្សែងហុយខ្មួលខ្មាញ់ ចេញជាអណ្តាតភ្លើងឆាបឆេះ យ៉ាងសន្ធោសន្ធៅឡើង បង្កឲ្យផ្អើលឆោឡោ ទោះជាពលរដ្ឋ បាញ់ជះទឹក បំពង់ពន្លត់អគ្គិភ័យ ក៏មិនអាចគ្រប់គ្រងបាន ភ្លាមៗ អាជ្ញាធរ សមត្ថកិច្ច រថយន្តពន្លត់អគ្គិភ័យ ត្រូវបានបញ្ជូនទៅដល់ទីតាំងខាងលើជាបន្តបន្ទាប់ សរុបចំនួន៩គ្រឿងបាញ់ទឹកពន្លត់ភ្លើង ។

តាមសមត្ថកិច្ចបានឲ្យដឹងថា ក្នុងប្រតិបត្តិការខាងលើ រថយន្តចំនួន៩គ្រឿង របស់ស្នងការចំនួន៨គ្រឿង និងមួយគ្រឿងទៀត ក្រុមហ៊ុនឯកជន ប្រើប្រាស់ទឹកអស់៩សុីទែន ក្នុងរយៈពេលមួយម៉ោង នៅវេលាម៉ោង៥និង៣០នាទីល្ងាចថ្ងៃដដែល ទើបភ្លើងរលត់ ។

ហេតុការណ៍ខាងលើ បណ្តាលឲ្យផ្ទះចំនួន៣គ្រឿង ភ្លើងឆេះម៉ដ្ឋ ចំណែក២ផ្ទះទៀត ភ្លើងឆេះអស់៥០ភាគរយ សម្ភារៈជាច្រើនរងខាតបង់ តែមិនបង្កឲ្យអ្នកណារងរបួសឡើយ ។ ចំពោះមូលហេតុ ផ្តើមឲ្យកើតគ្រោះអគ្គិភ័យខាងលើ មិនទាន់ដឹងច្បាស់នៅឡើយ សមត្ថកិច្ចបន្តធ្វើការស្រាវជ្រាវ ៕

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ